الموضوع: تحدي اللبية

بتعرف دكتور شو السبب .
السبب كونكم ما اشتغلتو لبية سريري بالسنة الرابعة وكانت كلها مخبري ( فصل كامل على فتح الحجرة اللبية ) .. ولهيك لما صرتو بالخامسة لازم تلحقو تشتغلو أرحاء وأسنان أمامية وعفنة ..

عنا بحلب بالسنة الرابعة فصل أول كان شغلنا مخبري .. والفصل التاني سريري على 4 أسنان أمامية وضاحكين يعني صاروا 6 .. أما بالخامسة .. 5 أرحاء ووحدة منهم عفنة بكل فصل ..

بعدين في شغلة حابة اسألكم عنها .. حالة المذاكرة تعتبر بدل حالة الفحص ؟؟ يعني فحصكم على مريض ولا فقط نظري أو مقابلة بالأحرى ..

هلا و الله بطلاب الخامسة الاعزاء , هلا و الله بمثال الصبر و الشفافية و التفاني بهالبلد .

يا سيدي العزيز , و بشان تكون شهد شاهد من أهله ... كلام الدكتورة دارين صحيح تماماً , نحن بالسنة الرابعة بمخبر اللبية كنا عم نتسلى أو بالأصح كانوا عم يتسلوا فينا , عموماً نصيحة بحالة المذاكرة رح يحكولك حاجز مطاطي و ما بعرف شو ... دير بالك تصدق ها , دير بالك .. اعمل حالك مو سامع و اشتغل و مالك علاقة بالعالم ... و ابقى احكيلي مين مشرفك بشان احكيليك كيف تاخد علامات و Dare for Most

موفق

المشاركة الأصلية كتبت بوساطة بلند حمزة

هلا و الله بطلاب الخامسة الاعزاء , هلا و الله بمثال الصبر و الشفافية و التفاني بهالبلد .

يا سيدي العزيز , و بشان تكون شهد شاهد من أهله ... كلام الدكتورة دارين صحيح تماماً , نحن بالسنة الرابعة بمخبر اللبية كنا عم نتسلى أو بالأصح كانوا عم يتسلوا فينا , عموماً نصيحة بحالة المذاكرة رح يحكولك حاجز مطاطي و ما بعرف شو ... دير بالك تصدق ها , دير بالك .. اعمل حالك مو سامع و اشتغل و مالك علاقة بالعالم ... و ابقى احكيلي مين مشرفك بشان احكيليك كيف تاخد علامات و Dare for Most

موفق

تعيش جامعة دمشق

المشاركة الأصلية كتبت بوساطة DrEndo

تعيش جامعة دمشق

تعيش تعيش تعيش

المشاركة الأصلية كتبت بوساطة Eyad

اللي بيعرف بيعرف و اللي ما بيعرف بيقول كنتو عمتلعبو بالرابعة. شغل الرابعة صحيح كان مخبري بس بالعكس كان مفيد. أما قصدي كان أنو في 12 سن لازم يخلصو بفصل واحد و ما في غير ساعتين لبية (4 بس في شريك على الكرسي) بالأسبوع، مع التأخير اللي بيصير على الأشعة و المشرفين.
إذا اجيت تصور لحلك بيفضحك يونس، و إذا يونس صورلك الله أعلم ممكن تطلع الصورة و ممكن لا. وفي عندك مشاكل التحميض و السوائل اللي بتصير مي (حتى بالجهاز الآلي) بالجلسة الثانية (من 3-5).
طبعاً ما فيك تنزل على قسم الأشعة لأنو طلاب السنة الثانية و الرابعة مستعمرين القسم.
أما المشرف بينزل على المقصف قبل ما تخلص الجلسة بنصف ساعة و بيطلع بعد ما تبدى الجلسة بنصف ساعة. و بتقولو كنا عمنلعب !!!!!
سن المذاكرة مو سن فحص، لأنو ما في سن فحص.
بالفصل الأول 40 علامة نظري و الثاني مقابلة.

ايه دكتور إياد ,
بالنسبة لقصدك يا أخي أنا من ناحيتي بعرفوا منيح لأني ما ني جاي من المريخ و كنت السنة الماضية مكانك و بخربطة المشرفين و الأشعة و الكراسي و الناس اللي بتكون لحالها ع الكرسي و الناس يللي بمياعة أو بتطويل دقن ( كل على سواء ) بياخد العلامة ...


هلا بخصوص السنة الرابعة يا إياد , أنا بالتعليق الماضي كنت عم عقب على كلام الدكتورة دارين و على استياءك و فقط و ما فتت كتير بالتفاصيل ... بصراحة أنا كتير مبسوط انو شايف شخص مؤمن انو المخبري بالسنةالرابعة كان مفيد , مبسوط لأني بالفعل بدي أعرف ليش , و طبعاً كلامي هو ع الفصل الأول , برأيك بالفصل الأول من السنة الرابعة بمخبر اللبية شو كنت عم تستفيد ؟؟

أنا عن نفسي يا أخي ما استفدت شي نهائياً غير اني عرفت انو التوربين نعمة بطب الأسنان لأنو لبين ما كنت بحضر الحفرة ع الميكروتور بالسن و مع اصرار المشرفين العتيدين (( اللي بعيشو يعيشوا يعيشوا )) على انو حفر السن ممنوع يكون بالتوربين و لهلا ما عرفت ليش (( عم أكذب , بعرف منيح ليش )) , كنت بستهلك شي 3 سنابل و بدلت راس القبضة مرتين ,

تعيش جامعة دمشق

تعيش تعيش تعيش

ههههههههههههههههههههه الله يسلمكن حضرات الدكتورين..... هههههههه

يا جماعة ما بعرف شو بدي احكي

مادة اللبية عنا بحلب ولا وين منكان عناء
وبصراحة مادة بتخوف ... صحي الشغل بدو صبر بس يا جماعة جو الكلية ما بيرحم
الشراكة على الكرسي وشريكي بدو يصور ومن هاد الحكي ولسعتنا رابعة وراسنا وجعنا من اول حالة

فما بعرف وين ما رحنا هم الطالب اللبية وبصراحة لازم يصير حل لهاد القسم بالكلية
يوسعووو ..... لكل طالب كلرسي ولا لازم يشوفو حل لمشكلة التصوييير ( المصيبة الأكبر حاليا )
والله يكون بالعووون يا ناااااااااااس