الموضوع: سعيدة لأني طبيبة أسنان

تحية للجميع..

موضوعي بمثابة طبعة نهائية لكل طالب سنة خامسة يشعر بلذة التخرج وينتظر بريق الأمل وحياة جديدة ...
كثيرا ما وجهنا انتقاداتنا وسخطنا على حياتنا الجامعية دون تسليط الضوء على الجوانب الايجابية التي حظينا بها ..
فبعيداً عن هموم المرضى وأجواء العيادات وتسليم الأعمال وما يترتب عليها من مشاكل نفسية وعاطفية بدءاً من التوتر النفسي والتشنج العضلي مروراً بالترفع الحروري والتلبك المعوي ووصولاً للصداع القفوي وآلام العمود الفقري ..

.بعيداً عن هذا كله وفي جو خالي من الهواجس المريضة والأفكار المريبة ..انتابني شعور غريب أجبرني على مسك قلمي لأخط ما اجتاح عقلي من حنين ..لأجمع أفكاري وأعبر عما في داخلي من حزن ضنين..لأنقل أسمى عبارات الشكر لأساتذتنا الأفاضل ,,لمن كان لهم هدف في ترقية وإنشاء جيل مثقف وواعي ,, لمشرفينا وهنا أحدد النطاق لكل من شعر بأنه أمام مسؤولية عظيمة وأدى هذه المسؤولية بأكمل وجه,وبذل جهده بإيصال المعلومة دونما تعقيد ..لكل زميل وزميلة أصحاب الأهداف النبيلة الذين أضفوا على حياتنا المثقلة بالهموم جمالاً ازداد بهاء واشراقاً مع روح المساعدة والتعاون ..وإلى كل من حمل لواء شعاره إنارة الظلام بنور العلم والأخلاق فهما صفتان متلازمتان ولا يفترقان ..

لأعبر عن حنيني إلى كل زاوية من زوايا الجامعة وكل ركن من أركانها ,,فكل خطوة خطوناها زادتنا رقياً وسمواً ,,وجعلتنا أكثر وعياً وإدراكاً وصموداً أمام اختبارات الحياة ...
ها قد انتيهينا من العد التنازلي وها نحن على أبواب التخرج وكل منا يرسم لنفسه طريق جديد وأحلام نبنيها بأنفسنا ونزينها بأجمل الألوان وأرق الذكريات..وكل منا لا بد وأن ترك له أثار وبصمات محفورة في سجل حياتنا الجامعية ..عسى أن يكون لهذه الآثار ذكرى حسنة وريح طيبة ...
ها قد استطعنا فك رموز طب الأسنان وتعلم أبجديتها ..وقد اخترنا لأنفسنا أن نكون أمام بحر كبير من المعرفة لنرتشف منه ما شئنا ونكمل مشوار الألف ميل ...

وأخيراً وقبل أن يرعبنا المساء ,, يبقى دوماً في الحسبان ..سعيدة لأني طبيبة أسنان....


نور الهدى

المواضيع المتشابهه:

• شو معنى (( طب أسنان ))
• مين بدو أسنان متل التلج؟؟؟؟
• زراعة أسنان
• طقم أسنان عمره أكثر من 200 سنة
• طب أسنان بديل

شعور جميل إنه الواحد يتخرج بعد جهد طويل من العناء و البذل و العطاء في الوقت الذي يراوده شعور أخر ألا و هو شعور الفراق .. فراق الاصدقاء و الزملاء و الأساتذة إلى أصبحوا جزء لا يتجزأ منا بل بعد أن أصبحوا متطلب من متطلبات حياتنا اليومية .. و لكن شعور النجاح و التفوق في مجالي كطبيب أسنان أجمل بكتير و ينسيك كل هذه الهموم .. ربنا يوعدنا بيوم تخرجنا بتفوق و عن جدارة إن شاء الله ... و أنا بقول هنا :

الطبيب طبيب بمبادئه و أفعاله لا بنظرياته فحسب ..

احترامي .. و مبارك سلفا لكل طبيب أسنان على أبواب التخرج .. و بحكيلكم ادعولنا ...

يا جماعة ما بعرف شو بدي قول نحنا هلق سنة رابعة بس بفكر انا معقول احسن اترك الجامعة والكلية السنة الجاي
والله ما بعرف شعور صعب وعند براودني هاد الشعور بحاول غير التفكيير لانو ما عبحسن اتخيل انا بعيد عن هي الكلية ولا رفقاتي ... آآآه بس حال الدنيااااا

و الله يا جماعة أيام فحص العملي كنت عد ما انتهى من كل مادة ابرك بالكلية بساحة العيادات حتى الساعة 3 أو 4 المسا بحجة أنو رح تنزل علامات لشي مادة.... لأ و أحيانا يقولولي الشباب اطلع اسأل بالإمتحانات بلكي منشوف إذا رح ينزل شي أو لأ...بس أنا ما اطلع ...لاني مبسوط بالقعدة بالكلية و ما بدي أي ظرف يقللي ارجع ع البيت و ادروس أو حتى نام... حتى باليوم الأخير ضليت بالكلية للساعة 5.5 مع أنو كنت خالص من الساعة 11 و ما إلي حجة....بس عنجد صاير عمحب الكلية أكتر من البيت بكل ما فيها من جو و مشاكل و هموم و تعب ...بس جد كليتنا كتير كتير لذيذة

في واحد من رفقاتنا من الدفعة اللي اتخرجت السنة الماضية إجا الخميس ع الكلية ....قللي يا زلمة حاسس حالي غريب بالكلية .. و أنا بصاحة خايف ما يصير فيني متلو بعد التخرج...

المهم الله يخليلي اياكم يا رفقاتي و يا الأخص أعضاء المنتدى لأنو طالما أنتم ع المنتدى كأني عمشوفكم بالعين

بيكفي الله يخليكم ..
صارلي فترة ما عم يروح هالشعور من بالي .. وهلأ حابة أعترف بشغلة ما اعترفت فيها من قبل .. يمكن تشوفوني طايرة من فرحي بإني رح أخلص من هالكلية .. ورح أخلص من معاناتها ومن علاماتها ومن امتحاناتها .. بس بالحقيقة أنا حزينة اشد الحزن .. لا تصدقوني إذا شفتوني فرحانة أو إذا قلتلكم إني فرحانة .. لا تحسبو رقصي بينكم طرباً فالطير يرقص مذبوحاً من الألم ..

يسلمو كتير دكتورة نور الهدى عالموضوع المؤثر والتعبيرات الحلوة ...
وإن شاء الله بيكون هالتخرج بداية مشرقة إلك بحياة الاستقلالية ( كطبيبة ناجحة بإذن الله ) ...

يا جماعة ما بعرف شو بدي قول نحنا هلق سنة رابعة بس بفكر انا معقول احسن اترك الجامعة والكلية السنة الجاي

بسيطة ... في أسهل من الرسوب ( عمبمزح ها .. إنتو تخرجوا بخير وسلامة .. واتركولنا الكلية .. ليش الطمع بيكفيكن خمس سنين .. )

حاسس حالي غريب بالكلية

شي طبيعي ... بس إنتو مارح تحسوا حالكن غريبين لبعد مايمر شي سنتين ... طالما في دفعتين وراكن بتعرفوهن منيح ... وطالما ما رح تتركوا وراكن إلا كل أثر حلو ..

يمكن تشوفوني طايرة من فرحي بإني رح أخلص من هالكلية .. ورح أخلص من معاناتها ومن علاماتها ومن امتحاناتها .. بس بالحقيقة أنا حزينة اشد الحزن .. لا تصدقوني إذا شفتوني فرحانة أو إذا قلتلكم إني فرحانة لا تحسبو رقصي بينكم طرباً فالطير يرقص مذبوحاً من الألم ..

شبك دارين ؟؟ ... بعرفك أقوى من هيك ...شو مذبوح مو مذبوح ... طولي بالك ( شوفوا مين عميحكي ) ... سبحان مين بعتلي ياكي ... مشان أحب جو العيادات ... تقعدي معي بالساعات ... وياما طالعين من الكلية و بس نخلص مشوارنا نرجع نقعد فيها أوعالأقل نمر مرور ...
يا ستي هالمرحلة بدها تمر ... مشان تجي يلي بعدها ... وبيكفي إنك إنتِ دارين لحتى ما تزعلي ... لأنو رح تتركيها بعد تعاملتِ مع الكل بطيبة قلبك ... وبضميرك وبروحك الحلوة ... لا أذيتِ حدا ولا زعلتِ حدا بيوم ... فلشو الزعل ؟؟
و بكرا شو بدك أخبار بتصلك لايف ... إنتِ بس خبريني ( شو يعني ؟؟ إذاعة متنقلة عالفاضي )

المشاركة الأصلية كتبت بوساطة نور الهدى

تحية للجميع..

موضوعي بمثابة طبعة نهائية لكل طالب سنة خامسة يشعر بلذة التخرج وينتظر بريق الأمل وحياة جديدة ...
كثيرا ما وجهنا انتقاداتنا وسخطنا على حياتنا الجامعية دون تسليط الضوء على الجوانب الايجابية التي حظينا بها ..
فبعيداً عن هموم المرضى وأجواء العيادات وتسليم الأعمال وما يترتب عليها من مشاكل نفسية وعاطفية بدءاً من التوتر النفسي والتشنج العضلي مروراً بالترفع الحروري والتلبك المعوي ووصولاً للصداع القفوي وآلام العمود الفقري ..

.بعيداً عن هذا كله وفي جو خالي من الهواجس المريضة والأفكار المريبة ..انتابني شعور غريب أجبرني على مسك قلمي لأخط ما اجتاح عقلي من حنين ..لأجمع أفكاري وأعبر عما في داخلي من حزن ضنين..لأنقل أسمى عبارات الشكر لأساتذتنا الأفاضل ,,لمن كان لهم هدف في ترقية وإنشاء جيل مثقف وواعي ,, لمشرفينا وهنا أحدد النطاق لكل من شعر بأنه أمام مسؤولية عظيمة وأدى هذه المسؤولية بأكمل وجه,وبذل جهده بإيصال المعلومة دونما تعقيد ..لكل زميل وزميلة أصحاب الأهداف النبيلة الذين أضفوا على حياتنا المثقلة بالهموم جمالاً ازداد بهاء واشراقاً مع روح المساعدة والتعاون ..وإلى كل من حمل لواء شعاره إنارة الظلام بنور العلم والأخلاق فهما صفتان متلازمتان ولا يفترقان ..

لأعبر عن حنيني إلى كل زاوية من زوايا الجامعة وكل ركن من أركانها ,,فكل خطوة خطوناها زادتنا رقياً وسمواً ,,وجعلتنا أكثر وعياً وإدراكاً وصموداً أمام اختبارات الحياة ...
ها قد انتيهينا من العد التنازلي وها نحن على أبواب التخرج وكل منا يرسم لنفسه طريق جديد وأحلام نبنيها بأنفسنا ونزينها بأجمل الألوان وأرق الذكريات..وكل منا لا بد وأن ترك له أثار وبصمات محفورة في سجل حياتنا الجامعية ..عسى أن يكون لهذه الآثار ذكرى حسنة وريح طيبة ...
ها قد استطعنا فك رموز طب الأسنان وتعلم أبجديتها ..وقد اخترنا لأنفسنا أن نكون أمام بحر كبير من المعرفة لنرتشف منه ما شئنا ونكمل مشوار الألف ميل ...

وأخيراً وقبل أن يرعبنا المساء ,, يبقى دوماً في الحسبان ..سعيدة لأني طبيبة أسنان....


نور الهدى

مرحبا دكتورة نور ...
أذكر جيداً هذا الشعور السنة الماضية , أجمل شيء كان بالموضوع هو أن الامتحانات النظرية ليست صعبة إ‘لى هذا الحد المخيف , و بما انو كنت " بايعها " لم أكترث كثيراً و أنا بانتظار قرار فحص الدراسات ..
لفت انتباهي أنك سعيدة دكتورة نور .... من حقك أن تكوني سعيدة .. تأكدي أن من هناك أسعد منك بهذا التخرج .. تأكدي أن المرضى الذين سيسلمون أفواههم إليك سعيدون أكثر أن طبيبة " ذات ضمير " قد فتحت أبواب خدماتها لهم ... هم أسعد منك بكثير .. أتمنى أن تستمري في طب الأسنان , و ستكتشفين أن له طعما أجمل بعد التخرج ..

ألف مبروك , و بالمناسبة .. أسلوبك جميل في الكتابة
بلند

والله بتخيل يوم التخرج رح يكون كتيييير صعب علي... مارح ودع فيه ذكريات الكلية ورفقاتي وبس وإنما ذكريات السكن واللاذقية وشوارعها وناسها وكل شي... عن جد أمر محزن...

ومع هيك متل ماحكيتي الحياة تستمر ومنضل عم نتطلع للمستقبل ونرسم لحياتنا القادمة..

مبروك دكتورة نور الهدى التخرج.. وعقبالنا....
(على فكرة عبارة "قبل أن يرعبنا المساء" مألوفة.. بس ماكنت اذكر وين مرقت علي؟!)

سلام.